الخميس، 20 أكتوبر 2016

وردي × وردي | Pink × Pink






السلام عليكم ورحمة الله وبركاته ❤️

كيفكم إن شاء الله كويسين 😚

بتكلم اليوم عن أغلب الأرواج البنكيات اللي عندي .. 

نبدأ بأول واحد من ريفلون REVLON



درجة اليمين : 460 PLUSHING MAUVE 
درجة اليسار : 225 

سواتش .. 





اليمين : واضح لكم كيف مخلص 😂 جميل للصباح وقوامه مو مات لا Satin يعني ثابت بس بلمعه مدري كيف اشرحها 😅
اليسار : استخدمه يومي جميل وريحته نعناع كذا ..
ثباتهم حق 2- 3 ساعات او اقل كمان 
متوفرة في : سنتربوينت .. سيتي ماكس .. 
ملاحظة : اللي ع اليمين هو اللي فوق ع اليسار والعكس 😅

ثاني واحد هو بورجوا BOURJOIS 




هو روج سائل liquid lipstick  تحطينها وتجلس دقايق وتنشف  تعطيك لوك مات 
matt finish ودام بيعطي لوك مات لاززم قبلها تقشير وترطيب 
كمان اللي يميزه انه خفيف ع الشفايف عرفتو كيف 😂
اهم شي مايطبع على الكوب او الكاس وثباته كويس كمان  
وذا اللون بالذات فضييع يناسب كل الاوقات بالنسبة لي صبح وليل 

وهذا سواتش له ..


 عفواً نسيت أكتب درجته 
الدرجة : 07 VELVET 

ثالث روج معانا هو ماك MAC 


معشووق البنات 😂 ومين مايحب ماك 💖
القوام Matte مطفي: ويعطي لون قوي بس من غير لمعة ابداً، غالباً تنشف الشفايف لان مافيها ترطيب
اللون ماناسبني أبداً احس ممكن يكون حلو على البشرة الفاتحة ..



درجته : PLEASE ME 


رابع روج معانا هو انقلوت INGLOT 



 روج مات مات مات من قلللب مع ان الشركة توصفها انها تحتوي على فيتامين E وزيت المكاديميا و الأفوكادو لترطيب وتغذية الشفايف بس ما حسيت بأي ترطيب فيها عشان كذا لازم قبلها ترطييب أحبببه مرا لونه واضح من اول مرا مايحتاج احط مرتين  , ولها روائح فواكه 
درجته : 425 


خامس روج معانا من ميك اب فور ايفر MAKE UP FOR EVER 



اخخ اللون ذا يعذذب مراا احببه صدق جمييل ع الشفايف يعطيك لون طبييييعي جداً 
قوامه مو كريمي نوعاً ما وثباته متوسط  ، معاه زي الاضائة تحطينها بنص شفايفك لو حابة تعطينها امتلاء 
عيبه الوحيد : احسه قليلل صدق قليل مدري كيف خلص بسرعه 😅

درجته : 11

سواتش لروج انقلوت وميك اب فور ايفير.. 


اخر روج معانا من سيفورا  SEPHORA


واضح لكم انه منتهي صح 😂
المشكلة كل مارحت اخذ واحد ثاني ماالاقيه 
للأسف درجته مي واضحة عندي 
مات طبعاً .. وسعره حول 70 اتوقع والله ناسية كم بالزبط 

باقي واحد كمان ☺️ 
TINT من بنفت 

تقدرين تستخدميه كروج وبلاشر 
ماعجبني ابدا لا كذا ولا كذا 😅
اللي بشرتها فاتحة ممكن يجي حلو عليها ، وكمان احسه جميل للبنوتات الصغار 💖


وبس ☺️💖💖💖

أتمنى عجبكم البوست ..  
شاركوني تعليقاتكم ..

ليست هناك تعليقات:

إرسال تعليق